Ýkraına boıynsha úshjaqty kezdesý naýryzda ótetin boldy — BAQ
ASTANA. KAZINFORM – Máskeý, Kıev jáne Vashıngton qatysatyn Reseı-Ýkraına qaqtyǵysyn retteý boıynsha úshjaqty kezdesý naýryz aıynyń basyna aýystyryldy, onyń ótkiziletin orny kelisilip jatyr.
Bul týraly derekkózge silteme jasap TASS aqparat agenttigi habarlady.
Buǵan deıin kelissózdiń jańa kezeńi 26 aqpanda Jenevada ótýi múmkin ekeni habarlanǵan. Alaıda sońǵy habarlamalarǵa sáıkes, sol kúni AQSh pen Ýkraına arasyndaǵy kelissóz josparlanǵan.
DW - niń jazýynsha, 25 aqpanda Ýkraına prezıdenti Vladımır Zelenskıı Aq úı basshysy Donald Tramppen telefon arqyly sóılesip, onyń barysynda Ýkraına men Reseı arasyndaǵy kelissóz protsesi talqylandy.
- Biz ókilderimiz erteń Jenevada ekijaqty kezdesýde jumys isteıtin máselelerdi, sondaı-aq naýryz aıynyń basynda úshjaqty formatta ótetin tolyq quramdaǵy kelissóz júrgizýshi toptardyń kelesi kezdesýine daıyndyqty talqyladyq, - dep málimdedi Zelenskıı.
Ol telefon arqyly áńgimege amerıkalyq taraptan Stıv Ýıtkoff pen Djared Kýshnerdiń de qatysqanyn atap ótti.
Ýkraına kóshbasshysy Ýkraına men Reseıdiń kelesi kezdesýi kóshbasshylar deńgeıinde kellisóz júrgizýge múmkindik beredi dep úmittenetinin jáne mundaı qadamdy Tramp ta qoldaıtynyn jetkizdi.
Eske sala ketsek, ótken aptada Jeneva qalasynda Reseı, AQSh jáne Ýkraınanyń qatysýymen ýkraın qaqtyǵysyn retteý jónindegi kelissózder ótti.
