Ýkraına boıynsha úshjaqty kelissózder Jenevada bastaldy

ASTANA. KAZINFORM – Jeneva qalasynda Reseı, AQSh jáne Ýkraına qatysýymen ýkraın qaqtyǵysyn retteý jónindegi kelissózder ótip jatyr, dep habarlaıdy Kazinform agenttigi. 

RF prezıdentiniń baspasóz hatshysy Dmıtrıı Peskovtiń málimetinshe, kezdesý jabyq formatta, ıaǵnı BAQ ókilderinsiz ótedi.

Ol sondaı-aq «búgin qandaı da bir jańalyq kútýdiń qajeti joq» ekenin atap ótti. Sebebi kelissózder 18 aqpanda jalǵasady dep josparlanǵan.

TASS agenttigine derekkózdiń habarlaýynsha, Jenevadaǵy úshjaqty kelissózder keminde bes baǵyt boıynsha ótedi.

— Bul eń aldymen aýmaqtyq, áskerı, saıası, sondaı-aq ekonomıkalyq máseleler jáne qaýipsizdiktiń túrli aspektileri, — dedi agenttik suhbattasýshysy.

Eske salaıyq, Ýkraına boıynsha úshjaqty kelissózderdiń aldyńǵy raýndy aqpan aıynyń basynda Abý-Dabı qalasynda ótken bolatyn.

Reseı, Ýkraına jáne AQSh arasyndaǵy konsýltatsııalardyń ekinshi kúni taraptar 314 tutqyndy aıyrbastaý týraly kelisimge kelgen edi.