Ýkraına: «Boıng» qulaǵan jerde 101 adam jumys isteýde
ASTANA. QazAqparat - Ýkraınanyń Donetsk oblysynda Malaysian Airlines áýe kompanııasynyń «Boıng-777» ushaǵy apatqa ushyraǵan orynǵa alǵash ret barlyq halyqaralyq sarapshylar toby - 101 adam jınaldy, dep habarlady juma kúni ýkraındyq úkimet vıtse-premeri Vladımır Groısman.
«Búgin tolyq kólemde 101 sarapshy ushaq qulaǵan orynǵa keldi, saǵat 11:25-ten basta ushaq synyqtary shashyraǵan aýmaqtarda arnaıy zertteý jumystary júrgizilýde», - dedi Groısman RIA Novostı.
Malaızııa premer-mınıstri Nadjıb Razaktyń aıtýynsha, Kıevte qazir 68 malaızııalyq polıtseıi bar top tergeýge qatysýǵa ázir.
Sońǵy ýaqytta apat oryn alǵan aýmaqty baqylaǵan ózin-ózi jarııalaǵan «Donetsk halyq respýblıkasy» basshylyǵy juma kúni apat mán-jaıyn tergeýge kelgen halyqaralyq top músheleriniń qaýipsizdigine kepildik bere almaıtynyn taǵy da málimdedi.
Kýágerler apat aýmaǵynda atystar men jarylystar daýysy jıi qaıtalanatynyn aıtady.
Malaysia Airlines kompanııasynyń MH17 reısi 17 shildede Ýkraına shyǵysynda apatqa ushyraǵan bolatyn. Borttaǵy barlyq 298 adam qaza tapty.
