Ýkraına bıligi jalaqydan basqa tólemderdi toqtatty
ASTANA. QazAqparat - Ýkraınada eńbekaqy tóleminen basqa, bıýdjet qarajaty esebinen tólenetin barlyq tólemder toqtatyldy, dep habarlady RBK Ýkraına úkimetiniń baspasóz qyzmetine silteme jasaı otyryp.
Sonymen, Ýkraınanyń Óńirlik damý jáne qurylys mınıstrligi men Infraqurylym mınıstrligi, sondaı-aq «Ýkrzalıznytsıa» ulttyq temir jol operatory men «Ýkravtodor» kompanııasyna eńbekaqy tólemderin qospaǵanda, kez kelgen tólemdi júrgizýge tyıym salyndy. Tólemderdi toqtatý týraly sheshimdi «óz ókilettiligi sheginde» vıtse-premer-mınıstrdiń mindetin ýaqytsha atqarýshy Aleksandr Vılkýl qabyldady.
«Tek eńbekaqy boıynsha ǵana tólemder júrgiziletin bolady. Basqa baptar boıynsha tólemder jaǵdaıdyń túsiniksizdigine baılanysty toqtyla turady», - dep habaralady Ýkraınanyń vıtse-premeriniń keńsesinen.
Budan buryn Joǵarǵy radada «Batkıvşına» fraktsııasynyń kóshbasshysy Arsenıı ıAtsenıýk elde memlekettiń qalypty jumys jasaýy úshin qajetti qarajat joq ekendigin málimdegen.
«Memlekettik qazyna talan-tarajǵa salyndy. El bankrottyq jaǵdaıda tur. Men qazir aǵymdaǵy jyldyń aıaǵyna deıin emes, osy aıdyń aıaǵyna deıin oryn alǵan bıýdjettik tapshylyq, 10 kún ishindegi jalaqy tólemindegi kidiristerge qatysty sandardy keltrimeı-aq qoıaıyn. Qaryzdyq mindettemelerdi tóleý múmkindigi joq», - dep málimdedi búgin Joǵarǵy radada ótken kelisilgen keńes otyrysynda ıAtsenıýk.
Osynyń aldynda Ýkraına Prezıdentiniń mindetin atqarýshy Aleksandr Týrchınov eldegi ekonomıkalyq jaǵdaıdy óte nashar dep baǵalaǵan bolatyn.
Óz kezeginde, Ýkraınanyń Qarjy mınıstriniń mindetin atqarýshy ıÝrıı Kolobov búgingi qarjy salasyndaǵy jaǵdaı óte kúrdeli bolǵanymen baqylaýda turǵanyn jetkizdi. Onyń aıtýynsha, el bıligi AQSh-tan, Eýroodaqtan jáne halyqaralyq qarjy uıymdarynan alynatyn jedel kómekke senim artyp otyr. Polsha men AQSh-tan alǵashqy kredıtterdi Kıev taıaý eki aptanyń ishinde alýdan úmitti.
