Ýkraına azamaty «Volganyń» benzobagynda Reseıge 500 mln rýbl ótkizbek bolǵan
ASTANA. QazAqparat - Ýkraınanyń memlekettik shekara qyzmeti «Volganyń» benzobagyna jasyryp Reseıge 500 mln rýbl ótkizbek bolǵan el azamatyn ustady.
«Muny 23 naýryzda shamamen saǵat 13:00 Harkov jasaǵynyń shekarashylary tapty. «Goptovka» ótkizý beketi arqyly «Volga» kóligimen kedendik-shekaralyq baqylaýdan ótkende avtomobıldi teksergen shekarashylar Ýkraına azamatynyń alańdap, kóńil-kúıi buzylǵanyn baıqady. Sol sebepti olar kólikti muqııat tintigen,- dep habarlady RIA novostı ýkraınalyq shekara qyzmetine silteme jasap.
Agenttik atap ótkendeı, bes myńdyq kýpıýramen 500 mln rýbl salynǵan pakettiń salmaǵy shamamen 100 kg bolýy tıis. Al «Volganyń» benzobaginiń syıymdylyǵy 50-75 lıtrge deıin.
