Ýkraına aýmaǵynan Qazaqstannyń taǵy eki júk kóligi shyǵaryldy- QR IIDM

NUR-SULTAN. QazAqparat - 2022 jylǵy 14 naýryzdaǵy jaǵdaı boıynsha Ýkraınada qalyp qoıǵan qazaqstandyq menshik ıelerine tıesili 57 júk kóliginiń 51-i shyǵaryldy.

Bul týraly QR Indýstrııa jáne ınfraquryymdyq damý mınıstrliginiń baspasóz qyzmeti habarlady.

Baspasóz qyzmetiniń málimetterine qaraǵanda, 11 kólik Reseı Federatsııasy aýmaǵyna, 8-i Moldovaǵa jáne 32-si Polshaǵa ótti. Ýkraınada ázirge 6 kólik qalyp otyr, onyń ishinde 5 júrgizýshi - osy eldiń azamattary.

Sondaı-aq, qazaqstandyq operatorlarǵa tıesili 1030 júk vagony ýkraın jerinde tur. Bul elge qaraı baǵyttalǵan 509 vagon ázirge Reseı Federatsııasy men Grýzııa aýmaǵynda. Taǵy 627 vagon basqa baǵyttarǵa jiberildi.

«Memleket basshysy Qasym-Jomart Toqaev Ýkraınadaǵy Qazaqstan azamattaryn evakýatsııalaý jónindegi jumysty jiti qadaǵalap otyr.

Halyqaralyq tasymaldarda týyndaǵan máseleler boıynsha jedel áreket etý úshin QR IIDM, «Qazaqstan temir joly» UK» AQ jáne elimizdiń teńiz porttary janynan «Jedel jeliler» ashyldy»,-delingen habarlamada.

QR IIDM jedel jelisiniń telefondary:

QR IIDM Kólik komıtetiniń Ahýaldyq ortalyǵy: [phone], 98-35-33;

QR IIDM Ahýaldyq ortalyǵynyń WhatsApp nómiri: + 7 708 088 0 800