Ýkraına AQSh-qa beıbit jospar jobasyna bergen jaýabyn joldady

ASTANA. KAZINFORM — Kıev AQSh-tyń Ýkraınadaǵy daǵdarysty retteý jónindegi josparyna óz jaýabyn Vashıngton ákimshiligine joldady, dep habarlaıdy Axios portaly.

«Ýkraına sársenbi kúni AQSh prezıdenti Donald Tramp ákimshiligine AQSh-tyń sońǵy beıbit jospar jobasyna óziniń jaýabyn usyndy», dep jazdy Axios portalynyń jýrnalısi Barak Ravıd X jelisinde.

Ol mundaı aqparatty ózine ýkraınalyq jáne amerıkalyq resmı tulǵalar jetkizgenin aıtqan.

Óz kezeginde Bloomberg agenttigi Kıev bıligi AQSh-tyń beıbit josparynyń qaıta óńdelgen nusqasyn Vashıngtonǵa joldaǵanyn habarlaıdy.

Budan bólek, agenttik eýropalyq elder úsh qujat boıynsha jumys júrgizip jatqanyn atap ótedi: olardyń biri — qaqtyǵysty aıaqtaý sharttaryna qatysty ortaq kózqarasty, ekinshisi — Kıevtiń qaýipsizdik kepildikterin, al úshinshisi — Ýkraınany qalpyna keltirý máselelerin qamtıdy.

Aıta keteıik, buǵan deıin AQSh pen Ýkraına soǵysty toqtatý týraly kezekti kelissóz ótkizgenin jazdyq.

Al onyń aldynda Aq úı Ýkraına boıynsha beıbitshilik josparyna eleýli ózgerister engizgenin málimdedi.