Ýkraına 2011 jyly Qarýly kúshterdi qarjylandyrýdy 9 paıyzǵa - 1,7 mlrd. dollarǵa deıin kóbeıtedi
ASTANA. 17 qarasha. QazAqparat - Ýkraına 2010 jylmen salystyrǵanda 2011 jyly qorǵanysqa bólinetin shyǵyndy 9 paıyzǵa 1,7 mlrd. dollarǵa deıin kóbeıtýge nıet bildirip otyr. Bul jóninde qorǵanys mınıstrligi qarjy departamentiniń dırektory general-leıtenant Ivan Marko brıfıngte málimdedi. Odan bólek, úkimet 2023 jylǵa deıingi áskerdi qarjylandyrý boljamdy kórsetkishin prezıdenttiń qaraýyna jibergen.
Departament basshysy 2011 jyly qorǵanys vedomstvosy jalpy memlekettik qordan 1,4 mlrd. dollar alýǵa tıis ekenin atap ótti. Qordy turaqtandyrý boıynsha shyǵyndar josparlanyp jatqan joq. Eger bıýdjet osylaı qabyldansa, onda áskerdi qarjylandyrý JІÓ-niń 1,08 paıyzyn quraıdy.
"Bul - óte joǵarǵy kórsetkish", - dedi I.Marko.
