Ýkraın elshisi Uly Otan soǵysynda qaza tapqan jaýynger, Qyzyl Juldyz ordeni ıegeriniń týystaryn izdestirýde

ASTANA. Aqpannyń 23-i. QazAqparat /Marlan Jıembaı/ - Búgin Astana qalalyq memlekettik muraǵatyndaǵy "Eli erge sengen, eri elge sengen" atty kórmeniń ashylýyna qatysqan Ýkraınanyń Qazaqstandaǵy Tótenshe jáne Ókiletti Elshisi Nıkolaı Selıvon óz eliniń aýmaǵynda júrgizilgen qazba jumystary barysynda Uly Otan soǵysy jyldarynda qaza tapqan qazaqstandyq jaýyngerdiń ordeni tabylǵandyǵyn málim etti.

Elshiniń aıtýyna qaraǵanda, "Soldatty tabý" qoǵamdyq qozǵalysynyń izdeý otrıady qazba jumystaryn júrgizý barysynda Qyzyl Juldyz ordenin taýyp alyp, onyń Qyrym aýmaǵynda 1943 jyly qaza tapqan qazaqstandyq jaýyngerge tıesili ekendigin anyqtaǵan.

"Taıaýda Qyrym Joǵarǵy Keńesiniń tóraǵasy maǵan qaza tapqan soldattyń týystaryn izdestirýge ótinish jasady. Іzdeý otrıady Qazaqstan azamaty, aǵa serjant Rebrıstyı Alekseı Mıhaılovıchke tıesili Qyzyl Juldyz ordenin taýyp alǵan. Ol soǵysqa Krasnodar áskerı komıssarıatynan shaqyrylǵanymen, turǵylyqty meken-jaıy: Aqmola qalasy, soltústik vygon №42 dep kórsetilgen", dedi Elshi óz sózinde.