Ýkraın boksshysy Ýsık brıtandyq Djoshýany ekinshi márte jeńdi

NUR-SULTAN. QazAqparat - Saýd Arabııasynyń Jıdda qalasynda ýkraınalyq boksshy Aleksandr Ýsık (19-0, 13 KO) pen brıtandyq Entonı Djoshýa (24-2, 22 KO) arasynda qarymta jekpe-jek ótti, dep habarlaıdy QazAqparat sports.kz resýrsyna silteme jasap.

Bul aıqasta Ýsık óziniń oyǵan deıin jeńip alǵan sýperaýyr salmaqtaǵy WBA Super, WBO, IBF jáne IBO belbeýlerin báske tikti. Bul kezdesý 12 raýndqa shaqtalǵan. Ádilqazy sheshimimen jeńis ýkraın boksshysy Aleksandr Ýsıkke buıyrdy.

Osylaısha Ýsık óziniń kásibı sport jolynda jıyrmasynshy márte jeńiske qol jetkizip, chempıondyq tıtýldaryn sátti qorǵap shyqty.

Al Entonı Djoshýa osymen úshinshi ret jeńilip qaldy.

Eske sala keteıik, Ýsık pen Djoshýanyń birinshi jekpe-jegi 2021 jyldyń 25 qyrkúıeginde London qalasynda ótken edi. Ol kezde de ýkraın boksshysy ádilqazy alqasynyń biraýyzdan qabyldaǵan sheshimimen basym túsken.

Daily Star habarlaýynsha, ekeýi de qomaqty qarjylaı júldege ıe bolǵan. Ár sportshy 40 mln dollardan alady, ortaq qor ekeýiniń arasynda teńdeı bólingen. Al munyń aldyndaǵy birinshi aıqasta árqaısysy 30 mln dollardan júldeli bolǵan edi.