UKP top-menedjerlerin 600 myń teńge jalaqymen tańqaldyra almaısyń - A.Myrzahmetov
"Bárinen kóp alatyndar basqarma músheleri - 750 myń teńge. Bul eń joǵary jalaqy, salyǵy bar, ózgesi bar shamamen qoldaryna 600 myń alady. Olar negizinen iri bıznesi bar adamdar, sondyqtan 600 myń teńge jalaqymen olardy esh tańqaldyra almaısyń", - deıdi ol.
Departament dırektorlary shamamen 500 myń teńge jalaqy alady eken.
"Úsh sanatty sarapshylarda 200-300 myń teńge shamasynda jalaqysy bar. Aımaqtardaǵy sarapshylar sál azdaý - 150-200 teńge alady. Palata dırektorlary departament basshylarymen birdeı, shamamen 500 myń teńge qoldaryna tıedi", - dep atap ótti ol.
Onyń aıtýynsha, soǵan qaramastan qyzmetkerlerdiń palatadaǵy jumystan bas tartýy óte jıi bolyp turady.
"Jumys óte kóp, memorgandarmen jáne kásipkerlermen qujattar aınalymy úlken. Jyl saıyn jumys aýyrlap barady. Kóbi mundaı jalaqyǵa osynshama jumys tyndyrýdan sharshaıdy. Kóbi tek ıdeıa úshin qalyp otyr", - deıdi A.Myrzahmetov.