UKP kezekten tys Prezıdent saılaýyn ótkizý týraly sheshimdi qoldaıdy
«Ulttyq kásipkerler palatasy Memleket basshysynyń kezekten tys Prezıdent saılaýyn ótkizý týraly sheshimin qoldaıdy. Biz Memleket basshysy qabyldaǵan sheshimdi úlken qanaǵattanýshylyqpen qabyldadyq», - dedi A.Myrzahmetov. Ol búginde álemdik ekonomıkanyń turaqsyzdyǵyn týdyryp jatqan syrtqy jaǵymsyz faktorlardyń qalyptasyp otyrǵanyn atap ótti. «Álemdik ekonomıkanyń jáne bizdiń kórshiles saýda seriktesterimizdiń ekonomıkasy tóńireginde salynyp jatqan barlyq boljamdar oń peıil týǵyzbaıdy. Bul ekonomıkanyń damýynda kúrdeli týrbýlenttilik, ósim qarqyndarynyń tómendeý belgileri, kóptegen memleketterde ekonomıkanyń keri damýy, osy elderdegi jumyssyzdyqtyń ósip jatqan deńgeıi ekenin kórip turmyz. Sonymen birge elimizde Qazaqstandaǵy ekonomıkanyń turaqty damýy úshin barlyq múmkindikter men jaǵdaılar bar», - dep atap ótti ol. Ol sondaı-aq Memleket basshysynyń bastamasymen «Nurly jol» baǵdarlamasynyń júzege asyrylyp jatqanyn, ınfraqurylymdyq jobalar iske asyrylyp, júzdegen myń jańa jumys orny qurylatynyn aıtty. «Memleket basshysynyń bastamasymen shaǵyn jáne orta bıznesti qoldaý boıynsha sharalar qabyldanýda. Eldiń kásipkerdik qaýymdastyǵy memleketimizdiń turaqty ári ilgerili damýyna qoldaý kórsetken jáne kórsete beretin bolady. Osyǵan baılanysty biz kezekten tys QR Prezıdenti saılaýyn ótkizý sheshimin tolyqqandy qoldaımyz. Biz qazir QR Prezıdentine mandatty berý osy maqsattardyń barlyǵyn iske asyrýǵa, osy qıyndyqtardyń barlyǵyn laıyqty qarsy alýǵa múmkindik beredi degen senimdemiz. Bul shaǵyn jáne orta bıznestegi ınvestorlar úshin baǵdardy damytý úshin turaqty baǵyt beredi», - dep qorytyndylady A.Myrzahmetov.
