Úkimettiń bıylǵy zań jobalaý jospary oryndaldy — Ádilet mınıstri
ASTANA. KAZINFORM — Búgin Úkimet otyrysynda Ádilet mınıstri Erlan Sársembaev ótip bara jatqan jyl ishindegi zań jobalaý josparynyń qorytyndysyn shyǵardy.
— Úkimettiń 2025 jylǵa arnalǵan zań jobalaý jumystarynyń jospary 19 zań jobasyn ázirleýdi jáne Parlament Májilisine engizýdi kózdedi. Jyl ishinde Josparǵa úsh ret ózgerister engizildi. Nátıjesinde jospar 5 jańa zań jobasymen tolyqtyryldy jáne odan 2 joba alynyp tastaldy. Búgingi tańda 22 jobanyń ishinen úsheýine Memleket basshysy qol qoıdy, 5-eýin Parlament qabyldap, Memleket basshysyna qol qoıýǵa joldandy. Bul Memleket basshysynyń tapsyrmasy boıynsha «Quqyq buzýshylyq profılaktıkasy týraly», «Qazaqstan Respýblıkasyndaǵy bankter jáne bank qyzmeti týraly» ázirlengen qoǵam úshin mańyzdy zańdar jáne olarǵa ilespe jobalar. 14-i Parlament Májilisine engizildi, — dedi mınıstr.
Osy rette Erlan Sársembaev Premer-mınıstr Oljas Bektenovten Májiliske zań jobalarynyń ýaqytyly engizilýin eskere otyryp, 2025 jylǵa arnalǵan zań jobalaý jumystarynyń josparyn oryndaldy dep tanýdy surady.
Budan buryn Bıyl Prezıdent qansha normatıvtik-quqyqtyq aktige qol qoıǵany belgili boldy.