Úkimette TMU-ǵa múshe memleketter arasyndaǵy ózara yntymaqtastyq talqylandy

ASTANA. KAZINFORM — Qazaqstan Respýblıkasynyń Premer-mınıstri Oljas Bektenov Qazaqstanǵa Astana halyqaralyq forýmyna qatysý úshin kelgen Túrki memleketteri uıymynyń Bas hatshysy Kýbanychbek Ómiralıevpen kezdesý ótkizdi. Bul týraly Úkimet habarlady.

Үкіметте ТМҰ-ға мүше мемлекеттер арасындағы өзара ынтымақтастық талқыланды
Фото: Үкімет

Onda joǵary deńgeıde qol jetkizilgen ýaǵdalastyqtardy júzege asyrý máseleleri, sondaı-aq TMU-ǵa múshe memleketter arasyndaǵy ózara yntymaqtastyqty odan ári keńeıtý joldary talqylandy. Qazirgi ýaqytta uıym aıasynda ózara is-qımyldyń jańa formattary qurylyp, áleýmettik saıasat, qorshaǵan ortany qorǵaý, ónerkásip, ǵylym, tehnologııa jáne ınnovatsııa sııaqty basqa da salalar boıynsha jumys júrgizilip jatyr. 

Úkimette TMU-ǵa múshe memleketter arasyndaǵy ózara yntymaqtastyq talqylandy
Foto: Úkimet

Saýda-ekonomıkalyq yntymaqtastyqty jandandyrýǵa jáne ózara jetkizilimder aýqymyn keńeıtýge nazar aýdaryldy. 2024 jyly Qazaqstannyń TMU-ǵa múshe memlekettermen taýar aınalymy $11,4 mlrd-ty qurady. Sonymen qatar qolda bar áleýet aǵymdaǵy kórsetkishterden edáýir keń ekeni atap ótildi. Osyǵan baılanysty Qazaqstan Respýblıkasynyń Prezıdenti Qasym-Jomart Toqaev saýda qatynastaryn odan ári damytýǵa baǵyttalǵan jeke qujat ázirleýge bastamashy boldy.

Kezdesý barysynda gýmanıtarlyq bastamalar da talqylandy. Aqtaý túrki áleminiń mádenı astanasy bolyp jarııalandy, osy jyldyń maýsym aıynan bastap Almaty TMU-nyń jastar astanasy bolady. Túrki mádenıeti men tarıhı murasyn saqtaýǵa jáne nasıhattaýǵa baǵyttalǵan is-sharalar josparlanǵan.

Kezdesý qorytyndysy boıynsha taraptar tıimdi jáne ózara tıimdi yntymaqtastyqty odan ári damytýǵa tolyq yqpal etýge daıyn ekendikterin jetkizdi.

Сейчас читают