Úkimette Sátbaev kanalynan Astanaǵa deıin sý qubyryn salý jobasy talqylandy

ASTANA.KAZINFORM — Premer-mınıstrdiń birinshi orynbasary Roman Sklıar China Gezhouba Group basshylyǵymen kezdesý ótkizdi. Bul týraly Úkimettiń baspasóz qyzmeti habarlady. 

Úkimette Qazaqstan Respýblıkasy Premer-mınıstriniń birinshi orynbasary Roman Sklıar men Astana qalasynyń ákimi Jeńis Qasymbek China Gezhouba Group (QHR) basqarma tóraǵasy Lıý Hýaılıanmen kezdesti. Taraptar Q.I. Sátbaev atyndaǵy kanaldan Astana qalasyna deıin sý qubyryn salý jobasyn talqylady.

— Uzyndyǵy shamamen 200 km sý qubyrynan basqa, jobany iske asyrý ónimdiligi táýligine 342 myń tekshe metr úsh sý qubyry sorǵy stansasyn jáne ónimdiligi táýligine 210 myń tekshe metr bolatyn № 4 sorǵy-súzgi stansasyn salýdy kózdeıdi. Lıý Hýaılıan qurylys-montaj jumystary bıylǵy sáýir aıynda bastalatynyn rastady, — delingen habarlamada.

Kezdesý barysynda Roman Sklıar ınfraqurylymdyq jobanyń turǵyndardy taza sýmen úzdiksiz qamtamasyz etýdegi áleýmettik mańyzdylyǵyn aımaqty damytý, turmys sapasyn jaqsartý jáne turaqty ekonomıkalyq ósýge negiz bolatynyn atap ótti.

Kezdesý sońynda taraptar jobany iske asyrý jáne yntymaqtastyqty odan ári nyǵaıtý boıynsha belsendi jumysty jalǵastyrýǵa kelisti.

Aıta ketelik búgin Úkimet Şýche-Býrabaı kýrorttyq aımaǵyn damytýdyń 2029 jylǵa deıingi josparyn bekitken edi.