Úkimette Qazaqstan men Qytaıdyń kólik baılanystaryn damytý jobasy talqylandy
ASTANA. KAZINFORM – Vıtse-premer Qanat Bozymbaev Sıntszıan saýda-logıstıkalyq tobynyń tóraǵasy Shen Tszınshenmen kezdesti, dep habarlaıdy Úkimettiń baspasóz qyzmeti.
Kelissóz barysynda taraptar Alataý qalasy Jetigen aýdanynda «Qytaı–Qazaqstan halyqaralyq saýda-logıstıkalyq ortalyǵyn» iske asyrý máselesin qarastyrdy.
Joba Qazaqstan men Qytaı arasyndaǵy ekonomıkalyq jáne kólik baılanystaryn damytýǵa baǵyttalǵan. Onyń aıasynda temirjol jáne mýltımodaldy ınfraqurylym, sondaı-aq qoıma keshenderin salý josparlanyp otyr.
Taraptar seriktestik sharttaryn odan ári pysyqtaý jóninde kelisti. Aldaǵy ýaqytta memlekettik organdar men kompanııa ókilderi arasynda qosymsha kelissózder ótedi.
Osyǵan deıin Qazaqstanda tirkelgen 9 negizgi Qytaı marketpleısi bıýdjetke 6 mlrd teńge aýdarǵanyn jazdyq.