Úkimette ınvestıtsııalyq shtabtyń jańa formattaǵy birinshi otyrysy ótti
Úkimette QR Premer-Mınıstriniń birinshi orynbasary Roman Sklıardyń tóraǵalyǵymen Investıtsııalyq shtabtyń jańa formattaǵy birinshi otyrysy ótti.
Eske sala keteıik, osy jyldyń jeltoqsan aıynyń basynda Memleket basshysy Qasym-Jomart Toqaev Investıtsııalar tartý jónindegi keńeske (Investıtsııalyq shtabqa) erekshe ókilettikter beretin Jarlyqqa qol qoıdy.
Otyrysty asha otyryp, Roman Sklıar ınvestıtsııalyq shtab músheleriniń aldyna qoıylǵan basty mindet ınvestıtsııalyq jobalardy jedel túrde iske asyrý jáne jalpy ınvestıtsııalardy tartý boıynsha jumystyń tıimdiligin arttyrý ekenin atap ótti.
«Investıtsııalyq shtabtyń negizgi mindetteriniń biri – barlyq deńgeıdegi ınvestıtsııalyq jobalardyń problemalyq máselelerin sheshý. Ol úshin qajetti quraldar men ókilettikterdiń barlyǵy bar», — dedi birinshi vıtse-premer.
Sonymen qatar R. Sklıar ortalyq jáne jergilikti atqarýshy organdar basshylarynyń júrgizilip jatqan jumys nátıjeleri úshin jaýapkershiligi arttyrylǵanyn aıtyp ótti.
Otyrys qorytyndysy boıynsha Roman Sklıar ınvestorlardyń barlyq problemalyq máselesin qysqa merzimde sheshý úshin memlekettik organdar men uıymdarǵa birqatar qajetti tapsyrma berdi.
