Úkimette energııa óndirýshi uıymdardyń gaz úshin bereshegin óteý boıynsha máseleleri qaraldy
ASTANA. KAZINFORM — Premer-mınıstrdiń birinshi orynbasary Nurlybek Nálibaev jetkizilgen tabıǵı gaz úshin «QazaqGaz Aimaq» AQ aldynda energııa óndirýshi uıymdardyń bereshegin tómendetý máseleleri jóninde keńes ótkizdi. Bul týraly Úkimettiń baspasóz qyzmeti habarlady.
Keńes barysynda energetıka mınıstri Erlan Aqkenjenov bereshektiń aǵymdaǵy jaǵdaıy, gaz úshin ýaqytyly esep aıyrysýdy, energııa óndirýshi uıymdardyń qarjylyq turaqtylyǵyn qamtamasyz etý boıynsha qabyldanyp jatqan sharalar týraly baıandady.
Keńeske qatysýshylar tarıftik saıasat máselelerin, jınaqtalǵan bereshekti óteý boıynsha naqty sharalardy talqylady.
Keńes qorytyndysy boıynsha óńirlerdiń ákimdikteri men energetıkalyq kásiporyndarǵa jetkizilgen gaz úshin bereshekti aǵymdaǵy jyldyń sońyna deıin óteýdi, onyń aldaǵy ýaqytta jınaqtalýyna jol bermeýdi qamtamasyz etý tapsyryldy.
