Úkimette áleýmettik salany damytý máseleleri qaraldy
ASTANA. KAZINFORM — Qazaqstan Respýblıkasy Premer-mınıstriniń birinshi orynbasary Nurlybek Nálibaev Memleket basshysynyń densaýlyq saqtaý, oqý-aǵartý, týrızm jáne sport salalary jóninde berilgen tapsyrmalaryn oryndaý máseleleri boıynsha keńes ótkizdi.
Densaýlyq saqtaý mınıstri Aqmaral Álnazarovanyń, oqý-aǵartý mınıstri Juldyz Súleımenovanyń, týrızm jáne sport mınıstri Erbola Myrzabosynovtyń esepteri tyńdaldy.
Nurlybek Nálibaev áleýmettik ınfraqurylymdy damytý, azamattarǵa medıtsınalyq qyzmetterdiń qoljetimdiligi men bilim berý sapasyn arttyrý, sondaı-aq buqaralyq sportty damytý jáne týrızmniń el ekonomıkasyndaǵy úlesin ulǵaıtý máselelerine toqtaldy.
Keńes barysynda Memleket basshysynyń tapsyrmasy boıynsha salynyp jatqan áleýmettik nysandarǵa keshendi taldaý júrgizý, olardy sapaly ári ýaqtyly paıdalanýǵa berý qajettigi atap ótildi.
Jıyn qorytyndysy boıynsha múddeli memlekettik organdarǵa tıisti tapsyrmalar berildi.
Aıta ketelik Qazaqstan ekonomıkasy 8 aıda 4,1%-ǵa óskeni týraly jazǵan edik.
