Úkimet jumysynda jetistikter de, qatelikter de bolady — Oljas Bektenov

ASTANA. KAZINFORM — Úkimet óz jumysynda memleket múddelerin árdaıym birinshi orynǵa qoıady. Bul týraly Parlament palatalarynyń birlesken otyrysynda Premer-mınıstr Oljas Bektenov aıtty.

— Birinshiden, ózderińizge alǵys aıtqym keledi. Búgingi Úkimet esebin talqylaý óte konstrýktıvti túrde ótti. Árıne, ekonomıkalyq damý máseleleri tóńireginde alýan túrli pikir bolady. Úkimet jumysynda jetistikter de, qatelikter de bolady. Ómir bolǵannan keıin qateliksiz bolmaıdy. Biraq, eń basty aıtatynym, Úkimet óz jumysynda memleket múddelerin árdaıym birinshi orynǵa qoıady. Sondyqtan aldaǵy ýaqytta da ortaq jumysymyz jemisti bolsyn, — dedi Oljas Bektenov.

Aıta keteıik, Úkimet úıinde Parlament palatalarynyń birlesken otyrysy ótti.

Budan buryn Premer-mınıstr Oljas Bektenov Parlament palatalarynyń birlesken otyrysynda bıýdjet tapshylyǵyn qalaı tómendetetinderin aıtty.