Úkimet jol salýǵa alynǵan qaryzdardyń paıyzyn aqyly joldar arqyly ótemekshi
ASTANA. KAZINFORM – Kólik mınıstri Marat Qarabaev Úkimet otyrysynda bıyl 4 myń shaqyrym jol aqyly bolatynyn málim etti.
- Bıýdjetke túsetin júktemeni azaıtý jáne ózin-ózi aqtaý maqsatynda rekonstrýktsııa jáne jóndeý jumystary aıaqtalǵan ýchaskelerde «aqyly» statýsyn kezeń-kezeńimen engizý jalǵasýda. Qazir respýblıka boıynsha uzyndyǵy 3 myń 200 shaqyrym aqyly jol júıesi jumys isteıdi. 2024 jyly túsim 48 mlrd teńge boldy. Bıyl qosymsha 4 myń shaqyrym aqyly ýchaskeler engiziletin bolady, - dedi vedomstvo basshysy.
Mınıstrdiń aıtýyna qaraǵanda, olardan keletin túsim kólemi bıyl 60 mlrd teńgege, kelesi jyly 100 mlrd teńgege deıin jetý kerek.
- Bul rette, osy aqyly joldardan túsken qarajattyń bir bóligin qurylys jumystaryna alynǵan qaryzdardyń paıyzdyq mólsherlemelerdi óteýge jumsaý máselesi qarastyrylyp jatyr, - dedi Marat Qarabaev.
Buǵan deıin bıyl eldegi avtojoldardyń aqyly ýchaskelerindegi tarıfter orta eseppen 30 paıyzǵa ósýi josparlanǵany málim bolǵan edi.