Úkimet jergilikti zaýyttarmen ofteık-kelisim arqyly qural-jabdyq óndirisin jolǵa qoıady
ASTANA. KAZINFORM — Úkimet jergilikti zaýyttarmen ofteık-kelisim jasaý arqyly qural-jabdyq óndirisin jolǵa qoıýǵa tıis. Bul týraly Úkimettiń keńeıtilgen otyrysynda Prezıdent Qasym-Jomart Toqaev málim etti.
— Byltyr energetıkalyq jáne kommýnaldyq ınfraqurylymdy jańǵyrtýǵa arnalǵan ulttyq joba qabyldandy. Bul joba aıasynda ónerkásip salasyn damytý úshin jańa ónimder shyǵarý da qolǵa alynbaq. Otandyq kásiporyndar negizgi suranystyń 40 paıyzyn ǵana óteı alady. Úkimet jergilikti zaýyttarmen ofteık-kelisim jasaý arqyly qural-jabdyq óndirisin jolǵa qoıýǵa tıis, — dedi Qasym-Jomart Toqaev.
Budan buryn habarlanǵandaı, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.
Memleket basshysy 2024 jyldy elimiz oń kórsetkishtermen aıaqtaǵanyn aıtty.
Sondaı-aq Prezıdent Úkimet ónimdi bólý jónindegi kelisimderde elimizge tıimdi kelissózderdi jandandyrýy qajet ekenin aıtyp ótti.