Úkimet Jekeshelendirýdiń 2021-2025 jyldarǵa arnalǵan keshendi josparyn talqylady

QR Premer-Mınıstri Álıhan Smaıylov Ekonomıkany jańǵyrtý máseleleri jónindegi memlekettik komıssııanyń kezekti otyrysyn ótkizdi, dep habarlaıdy Kazinform Úkimettiń resmı saıtyna silteme jasap.

Qatysýshylar Jekeshelendirýdiń 2021-2025 jyldarǵa arnalǵan keshendi josparyn ózektendirý barysyn talqylady. Atap aıtqanda, odan 20-dan astam kommýnaldyq menshik uıymyn alyp tastaý usynylyp otyr. Olardyń ishinde TKSh nysandary, keıbir medıtsınalyq jáne mıkroqarjy uıymdary bar. Sońǵylaryn memleket jeńildikpen nesıe berý jáne kásipkerlerdi oqytý boıynsha qyzmetter kórsetý úshin paıdalanatyn bolady.

Sonymen qatar otyrys barysynda QR ónerkásibin qoldaý máseleleri, onyń ishinde otandyq óndirýshiler men eksporttaýshylardy qoljetimdi qarjylandyrý sharalarymen qamtý talqylandy. Budan bólek óńdeý ónerkásibindegi iri kásipkerlik nysandaryn qoldaý máseleleri qaraldy.

Oǵan qosa otyrysqa qatysýshylar 2024 jyly Qazaq Air áýe kompanııasyn básekelestik ortaǵa berý sharttaryn talqylady.