Úkimet jańa Salyq kodeksimen baılanysty usynystardy qaıta qaraıdy

ASTANA. KAZINFORM – Premer-mınıstr Oljas Bektenov orynbasary Serik Jumanǵarınge jańa Salyq kodeksin múddeli toptarmen qaıta pysyqtap shyǵýdy tapsyrdy.

- Jańa Salyq kodeksi ózgermeıtin qaǵıdalardyń jıyntyǵy retinde qabyldanbaýy kerek, bul týraly Prezıdent erekshe atap ótti. Serik Maqashuly, osyǵan baılanysty sizge jurtshylyq pen bıznes tarapynan kelip túsken usynystardy jınaqtap, muqııat taldaýdy tapsyramyn. «Atameken» Ulttyq palatasynyń ókilderin, ekonomıster men sarapshylardy tarta otyryp, júıeli ári úılesimdi jumys jasaýy kerek. Búgin Úkimette osyndaı alǵashqy kezdesý ótkizesiz, - dedi ol Úkimet otyrysynda.

Bul iske óńirler de tartylmaq.

- Óńirlerdi de osy jumysqa belsendi tartý qajet. Qoǵamnyń kóterip otyrǵan máselelerin jedel qaraý kerek. Nátıjesi boıynsha naqty usynystar engizińiz, - dedi Oljas Bektenov.

Eske salsaq, keshegi Ulttyq quryltaı otyrysynda Prezıdent Qasym-Jomart Toqaev jańa Salyq kodeksin qoldaný kezinde jurttyń syn-usynystary muqııat zerdelenip, qajet bolǵan jaǵdaıda túzetýler engiziletinin aıtqan edi.