Úkimet zańsyz qurylysqa talapty qatańdatýǵa bir aı ýaqyt berdi
ASTANA. KAZINFORM – Úkimet basshysy zańsyz qurylys jumystary men oǵan jaýapty tulǵalarǵa talaptardy qatańdatý týraly tapsyrma berdi.
«Ónerkásip mınıstrligi quzyrly memlekettik organdarmen birlesip, bir aı merzimde zańsyz qurylys júrgizgeni úshin qurylys kompanııalary men laýazymdy tulǵalarǵa yqpal etý sharalaryn qatańdatý jóninde zańnamalyq túzetýler ázirlesin», - dedi Oljas Bektenov Úkimet otyrysynda.
Sondaı-aq, Premer-Mınıstr atalǵan túzetýlerdi Qurylys kodeksiniń jobasyna engizý qajettigin aıtty.
«Sonymen qatar jańa turǵyn úı baǵdarlamalarynyń iske qosylýyn eskere otyryp, Ónerkásip jáne qurylys mınıstrligi, Saýda mınıstrligi Básekelestikti qorǵaý agenttigimen birge bir aıdyń ishinde jyljymaıtyn múlik jáne qurylys materıaldary naryǵynda dúrbeleńge jol bermeı, baǵany ustap turýǵa qatysty qajetti sharalar qabyldasyn», - deıdi O. Bektenov.
Buǵan deıin habarlaǵanymyzdaı, Oljas Bektenov turǵyn úılerdiń sapasyn synǵa alǵan edi.
Aıta ketsek, Úkimet basshysynyń tapsyrmasymen bıyl 1 maýsymǵa deıin qurylys obektilerine revızııa júrgiziledi.
Sondaı-aq, Premer-Mınıstr Astanada G-Park kompanııasynyń resmı qujatsyz turǵyn úıler salyp jatqanyn aıtqan edi.
