Tórehan Sabyrhan bokstan Azııa chempıonatyndaǵy basty maqsatyn aıtty
ASTANA. KAZINFORM - Bokstan Qazaqstan erler quramasynyń músheleri Tórehan Sabyrhan (70 keli) Mońǵolııanyń Ulanbatyr qalasynda ótip jatqan 2026 jylǵy Azııa chempıonatyndaǵy maqsaty jóninde áńgimelep berdi.
Bul jóninde ol Qazaqstan boks federatsııasyna bergen suhbatynda aıtty.
- Qurlyqtyq dodaǵa daıyndyq óte jaqsy. Ulttyq qurama músheleriniń kóńil-kúıi kóterińki. Salmaq jaǵynan eshqandaı másele joq. Barlyǵy keremet, jekpe-jekterimizdi kútip júrmiz. Týrnırge Iordanııadan Ishaısh pen Japonııadan Okadzava keldi. Olar Lıverpýlde ótken álem chempıonatyna qatysty. Olar týrnır kestesiniń ózge bóliginde, al men basqa bóligindemin. Qashanda qazaqstandyq boksshylar halyqaralyq jarystarda 69-70 keli salmaqta joǵary nátıjege qol jetkizdi. Men sol sáttilik jolyn jalǵaǵymyz keledi demekpin», - dedi Tórehan Sabyrhan.
Tórehan Sabyrhan 2006 jyly dúnıege kelgen. Qazirge deıin jastar arasynda álem chempıony (2024), jastar men jasóspirimder arasynda Azııanyń tórt dúrkin chempıony bolǵan.
Sondaı-aq 2025 jylǵy Strandja kýbogynyń jeńimpazy atansa, sol jyly Anglııanyń Lıverpýl qalasynda ótken World Boxing aıasynda bolǵan álem chempıonatynda jeńis tuǵyrynan kórindi.
Qurlyqtyq dodaǵa erler quramasy sapynda Sanjar Táshkenbaı (50 keli), Mahmud Sabyrhan (55 keli), Orazbek Asylqulov (60 keli), Ertýǵan Zeınýlınov (65 keli), Tórehan Sabyrhan (70 keli), Sabyrjan Aqqalyqov (75 keli), Erasyl Jaqpekov (80 keli), Nurbek Oralbaı (85 keli), Saǵyndyq Toǵambaı (90 keli) jáne Aıbek Oralbaı (90 keliden joǵary) bardy.
Aıta ketsek, Azııa chempıonatynda búgin, 31 naýryzda Rımma Volosenko (60 keli) jarys jolynan shyǵyp qaldy.
