Úkimet úsh jylǵa arnalǵan respýblıkalyq bıýdjet týraly zań jobasyn bekitti
ASTANA. KAZINFORM – Búgin Úkimet otyrysynda 2027-2029 jyldarǵa arnalǵan áleýmettik-ekonomıkalyq damý boljamy men bıýdjet týraly zań jobasy maquldandy.
- Bıýdjet qarajatyn barynsha tıimdi ári ýaqytyly paıdalanýdy qamtamasyz etý, aǵymdaǵy shyǵystardyń ulǵaıýyna jol bermeý, sondaı-aq shyǵystarǵa qatań baqylaý ornatý óte mańyzdy. Talqylaýlardy eskere otyryp, 2027-2029 jyldarǵa arnalǵan áleýmettik-ekonomıkalyq damý boljamyn maquldaýdy usynamyn. Aldaǵy úsh jyldyq kezeńge arnalǵan respýblıkalyq bıýdjet týraly zań jobasyna daýys bereıik, - dedi Premer-mınıstr.
Daýys berý barysynda Úkimet músheleri úsh jyldyq kezeńge arnalǵan respýblıkalyq bıýdjet týraly zań jobasyn qoldady.
- Qarjy jáne Ulttyq ekonomıka mınıstrlikterine Úkimet apparatymen birlesip, Quryltaıǵa zań jobalaryn engizýdi qamtamasyz etýdi tapsyramyn, - dedi Úkimet basshysy.
Aıta keteıik, búgin Úkimet otyrysynda Qarjy mınıstri Mádı Tákıev 2027-2029 jyldarǵa arnalǵan respýblıkalyq bıýdjet týraly zań jobasy elimizdiń áleýmettik-ekonomıkalyq damý boljamy negizinde ázirlengenin aıtty.
Bul rette 2027 jyly áleýmettik salanyń shyǵystary 10,5 trln teńge bolady.
