Úkimet ulttyq ınfraqurylym josparyn ázirledi

ASTANA. KAZINFORM – Premer-Mınıstrdiń orynbasary – ulttyq ekonomıka mınıstri Nurlan Baıbazarov Úkimet 200-den astam jobany qamtıtyn ulttyq ınfraqurylym josparyn ázirlegenin málimdedi. Bul týraly ol Primeminister.kz-ke bergen eksklıýzıvti suhbatynda aıtty.

«Jumys 2029 jylǵa deıin jalǵasatyn bolady. Sol aralyqta osy 200-den astam jobaǵa 40 trln teńgeden astam ınvestıtsııa jumsalady», — dedi vıtse-premer.

17 joba iske asyrylyp jatyr. Ol – energetıka, kólik, logıstıka, sý sharýashylyǵy jáne tsıfrlyq ınfraqurylym salasyndaǵy jobalar. Bıyldyń ózinde 770 mlrd teńgege jýyq ınvestıtsııalar osy jobalarǵa baǵyttalatyn bolady. 

Elimizde temir jol qurylysy jobalary jalǵasyp jatyr. Byltyr «Dostyq – Moıynty» joly bastaldy, Almatyny aınalyp ótý jobasy qolǵa alyndy. Sonymen qatar bıyl jańadan «Maqtaaral – Darbaza», «Aıagóz – Baqty» temir joldary salynady. Bul jobanyń iske asyrylýy elimizdiń kólik-tranzıt áleýetin arttyrýǵa baǵyttalady.