Úkimet TURAN arnaıy ekonomıkalyq aımaq terrıtorııasyn keńeıtti

ASTANA. KAZINFORM — Úkimet 2025 jylǵy 28 tamyzdaǵy № 693 qaýlysymen Túrkistandaǵy arnaıy ekonomıkalyq aýmaq kólemin 4087,39 gektardan 4414,39 gektarǵa deıin ulǵaıtty. 

Sondaı-aq endi arnaıy ekonomıkalyq aımaq 9 sýbektıvti aýmaqtan turady.

2043 jylǵa qaraı kelesi kórsetkishterge qol jetkizýdi josparlap otyr: 

— tartylatyn ınvestıtsııanyń jalpy kólemi — 1 598 mlrd teńgege deıin;
— arnaıy ekonomıkalyq aımaq aýmaǵynda óndiriletin taýarlar men kórsetiletin qyzmettiń (jumys) kólemi — 55 mlrd teńgege deıin;
— qatysýshylar sany — 212 kompanııaǵa deıin;
— arnaıy ekonomıkalyq aımaq aýmaǵyndaǵy jumys oryndarynyń sany — 18 200 adamdy qamtýmen ulǵaıady;
— jergilikti óndiristi qamtý úlesi — 65 paıyzǵa artady dep kútiledi.

Eske sal ketsek, Túrkistanda «Turan» arnaıy ekonomıkalyq aımaǵy qurylatyny 2022 jyly belgili boldy. 

Byltyr Túrkistandaǵy «TURAN» arnaıy ekonomıkalyq aımaǵynda 1000-ǵa jýyq jumys orny qurylatyny týraly jazǵan bolatynbyz.