Úkimet tıimsiz ıgergen qarajat mólsheri bir jylda 1,7 ese ósken
ASTANA. KAZINFORM — Respýblıkalyq bıýdjettiń shyǵystary qaryz ben tutyný shyǵyndaryna kóbirek jumsalyp jatyr. 2025 jylǵy respýblıkalyq bıýdjettiń atqarylýy týraly baıandaǵan Joǵary aýdıtorlyq palata múshesi ıÝlııa Engel osyndaı málimet aıtty.
— Shyǵystardyń qurylymy jınaqtalǵan mindettemeler men aǵymdaǵy tutynýǵa qyzmet kórsetý jaǵyna birtindep aýysyp jatqany kórinedi. Saldarynan damý bıýdjeti shektelip jatyr. 2024 jyly bul kórsetkish 8,1% bolsa, 2025 jyly 6,4% boldy. Bıýdjet ákimshileri ázirge tolyǵymen nege basymdyq berý kerektigin retteı almaı jatyr, — dedi ol.
JAP múshesi bıýdjetten qarjylandyrylatyn 75 mlrd teńgeniń 99 ınvestıtsııalyq jobasy tizbeden alynǵanyn atap ótti.
— 683 ınvestıtsııalyq jobanyń 141-i aıaqsyz qalǵan. Bul jospardyń 25 paıyzynan artyq. 2025 jyly bólingen bıýdjettiń tıimsiz paıdalanylǵan somasy 2024 jylǵy deńgeıden 1,7 ese asyp tústi, — dedi ol.
Buǵan deıin UEM kúzge deıin Salyq kodeksin jetildiretin normalardy ázirleıtini jazǵan edik.
