Úkimet tájirıbelik-konstrýktorlyq jumystarǵa grant bermek
ASTANA. KAZINFORM – Innovatsııalyq jobalardy kommertsııalandyrý úshin tájirıbelik-konstrýktorlyq jumystarǵa grant berý kerek. Bul týraly Úkimet otyrysynda Ǵylym jáne joǵary bilim mınıstri Saıasat Nurbek aıtty.
Onyń aıtýynsha, ınnovatsııalyq tsıkldiń úzilýi júıelik másele bolyp otyr. TRL 1–3 kezeńderinde zertteýler memleket tarapynan qoldaý tabady, TRL 7–9 kezeńderinde bıznes jumys isteıdi. Alaıda aralyq TRL 4–6 kezeńinde jobalardyń edáýir bóligi toqtap, kommertsııalandyrýǵa jetpeıdi.
- Osy máseleni sheshý úshin tájirıbelik-konstrýktorlyq jumystarǵa grant berý atty jańa qural usynyldy. Tıisti túzetýler qazirgi ýaqytta Májiliste qaralyp jatyr. Sonymen qatar qosymsha tejeıtin faktor retinde Ǵylymı-zertteý jáne tájirıbelik-konstrýktorlyq jumystarǵa jumsalatyn shyǵyndardyń tómen deńgeıi saqtalyp otyr – JІÓ-niń 0,16 paıyzy ǵana. Al tehnologııalyq damyǵan elderde bul kórsetkish birneshe paıyz. Sonymen birge, atalǵan júıelik shekteýlermen qatar ǵylym, tehnologııalar jáne ınnovatsııalar boıynsha bazalyq ekojúıeniń tıimdi jumys isteýin qamtamasyz etý baǵytynda da jumystar júrgizilip jatyr, - dedi ol.
Mınıstr ekojúıeniń birinshi elementi retinde adamı kapıtaldy atady.
- Biz ındýstrııalyq PhD baǵdarlamalaryn, ınjenerlik bilim berýdiń jańa modelin jáne halyqaralyq ǵylymı taǵylymdamalardy damytyp jatyrmyz. Sonymen qatar ınstıtýtsıonaldyq orta kúsheıtilip jatyr. Ǵylym jáne tehnologııalyq saıasat týraly zań qabyldandy. Ǵylym akademııasynyń róli kúsheıtilip jatyr. Ǵylym jáne tehnologııalar jónindegi ulttyq keńes quryldy, - dedi Saıasat Nurbek.
Buǵan deıin Úkimet otyrysynda ınnovatsıchlardy damytý máselesi talqylanatynyn jazǵan edik.
