Úkimet sý tasqyny saldarynan zardap shekkenderge qosymsha kómek kórsetý tetikterin túsindirdi
ASTANA. KAZINFORM – Úkimet sý tasqyny saldarynan zardap shekken turǵyndarǵa búlingen úı zattaryn óteý boıynsha qosymsha kómek kórsetý týraly sheshim qabyldady.
QR Úkimeti baspasóz qyzmetiniń habarlaýynsha, bul tońazytqysh, as úı plıtasy, ústel, oryndyq, kereýet, kir jýǵysh mashına, teledıdar nemese radıo, sýmen jabdyqtaý jáne jylytý quraldary.
Keltirilgen zalaldy óteý jergilikti ákimdikter janyndaǵy tıisti komıssııanyń sheshimi negizinde júrgiziletin bolady. Zardap shekkenderdiń múlki 150 AEK-ten aspaıtyn mólsherde óteledi.
«Turǵyndar kómekti múliktiń zaqymdaný sıpatyna qaraı, bireý 150 AEK, bireý 50 nemese 80 AEK jáne t.b. ala alady. Sý tasqynynan zardap shekken barlyq otbasylarǵa tólenetin 100 AEK kólemindegi birjolǵy tólemmen shatastyrmaýdy suraımyn», — dep atap ótti TJ vıtse-mınıstri Baýyrjan Syzdyqov.
