Úkimet strategııalyq mańyzdaǵy kompanııalardyń tizimin ózgertti

ASTANA. KAZINFORM — Úkimettiń 2025 jylǵy 14 qarashadaǵy qaýlysymen ekonomıkanyń strategııalyq mańyzy bar salalarynyń ózderine qatysty menshiktiń memlekettik monıtorıngi júzege asyrylatyn obektileriniń tizbesine ózgeris engizildi.

Aıta keteıik, burynǵy tizbede 120 kompanııa bolǵan edi.

Jańadan bekitilgen kestede 113 kompanııa atalyp ótken.

Bul turǵyda osy tizimge jańadan qasylǵandary bar. Degenmen, strategııalyq mańyzdaǵy kásiporyndardyń arasynda negizinen burynnan kele jatqandary kirgen. Olardyń qatarynda mynalar qamtylǵan:

- «Qazaqstan alıýmınııi» AQ;

- «Qazaqmys» korporatsııasy» JShS;

- «Qazhrom» transulttyq kompanııasy» AQ;

- «Óskemen tıtan-magnıı kombınaty» AQ;

- «Bogatyr Kómir» JShS;

- «Shubarkól Kómir» AQ;

- «Qazmyrysh» JShS;

- «Altyntau Kokshetau» AQ;

- «Qazatomónerkásip» ulttyq atom kompanııasy» AQ;

- «QazMunaıGaz» ulttyq kompanııasy» AQ;

- «QazTransOıl» AQ;

- «Samuryq-Energo» AQ;

- «QazaqGaz» ulttyq kompanııasy» AQ;

- «Úlbi metallýrgııa zaýyty» AQ;

- «QAZAQALTYN» JShS;

- «Astana-Energııa» AQ.

Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi, ıaǵnı qarasha aıynyń aıaǵyna qaraı kúshine enedi.

Osyǵan deıin Úkimet Kazakh Invest kompanııasyn sapaly túrde qaıta qurylymdaý qajettigine nazar aýdardy.