Úkimet «shynaıy muqtaj adamdarǵa ǵana kómek» qaǵıdatyn qatań ustanady — Premer-mınıstr
ASTANA. KAZINFORM — Kóshi-qon zańnamasy men ımmıgranttardyń jekelegen sanattaryn áleýmettik qoldaý tetikteriniń osaldyǵy masyldyq pıǵyl týǵyzyp otyr. Bul týraly Memleket basshysy Qasym-Jomart Toqaevtyń tóraǵalyǵymen ótip jatqan Úkimettiń keńeıtilgen otyrysynda Premer-mınıstr Oljas Bektenov aıtty.
— Memlekettiń barlyq áleýmettik mindettemeleri tolyq kólemde oryndalyp jatyr. Alaıda ártúrli tólemderdiń kóptigi men birizdi júıeniń bolmaýy jáne tıimdi baqylaýdyń joqtyǵy shyǵyndardyń negizsiz ósýine yqpal etti. Bul bıýdjet qarjysynyń tıimsiz jumsalýyna jáne keı jaǵdaılarda jymqyrylýyna alyp keldi. Atqarylǵan jumystyń arqasynda, sońǵy eki jylda shamamen 288 mlrd teńgeniń tıimsiz ıgerilýine tosqaýyl qoıyldy. Sizdiń «Turkistan» gazetine bergen suhbatyńyzda jáne Ulttyq quryltaıdyń besinshi otyrysynda aıtylǵandaı, búkil sala reformalaýdy qajet etedi, — dedi Úkimet basshysy.
Premer-mınıstr osy oraıda kelesi sharalar qabyldanyp jatqanyn aıtty:
— áleýmettik kómek túrlerin biriktirý jáne birizdi júıege keltirý protsesi júrgizilip jatyr;
— bilim berý qyzmetteri tsıfrlandyrylyp jatyr. Bul nysandardy salýdan bastap jan basyna sáıkes qarjylandyrýǵa deıin barlyq kezeńdi qamtıdy;
— áleýmettik medıtsınalyq saqtandyrý qorynyń qyzmeti Qarjy mınıstrliginiń aqparattyq júıelerimen ıntegratsııalaý arqyly qaıta qaralady.
— Aıta ketý kerek, kóshi-qon zańnamasy men ımmıgranttardyń jekelegen sanattaryn áleýmettik qoldaý tetikteriniń osaldyǵy da masyldyq pıǵyl týǵyzyp otyr. Bıyldan bastap jeńildikter men qoldaý baǵdarlamalary iriktelip, jumys kúshi tapshy óńirlerge baratyn azamattarǵa ǵana berile bastady. Memlekettik saıasattyń jańa tásilderi bıýdjeti 18 trln teńgeni quraıtyn bilim berý, densaýlyq saqtaý, áleýmettik qorǵaý, mádenıet jáne sport salalarynda tártip ornatýǵa múmkindik beredi. Úkimet «shynaıy muqtaj adamdarǵa ǵana kómek» qaǵıdatyn qatań ustanady, — dedi Oljas Bektenov.
Osyǵan deıin Bektenov týrızm salasynda qaraıym qaýipsizdik standarttaryn buzý tyıylmaı turǵanyn aıtty.