Úkimet rezervinen Qostanaı oblysynda sý tasqynyna qarsy is-sharalar úshin 1 mlrd teńge bólindi
ASTANA. KAZINFORM – Bul týraly úkimettiń baspasóz qyzmeti habarlady.
Baspasóz qyzmetiniń habarlaýynsha, Memleket basshysy Qasym-Jomart Toqaevtyń qorǵanys bógetteri men gıbrotehnıkalyq qurylystar salý jónindegi tapsyrmalaryn júzege asyrý sheńberinde Qostanaı oblysynyń Qarasý aýdanynda sý burý arnasy qurylysyna Úkimet rezervinen 1 mlrd teńgekóleminde qarjy bólindi. Tıisti qaýlyǵa Premer-mınıstr Oljas Bektenov qol qoıdy.
2024 jylǵy kóktemgi sý tasqyny saldarynan Qarasý aýdanynda bes kól: Timtýir, Qoıbaǵar, Alabota, Bıesoıǵan jáne Janshora kólderi qosylyp, jalpy aýdany 621 km2 bolatyn sý basý aımaǵynyń qalyptasýyna ákeldi. Uzyndyǵy 38 shaqyrymdy quraıtyn elektr jelileriniń 234 tiregi sý astynda qaldy, bul aýdannyń EBJ jalpy uzyndyǵynyń 15,5%-yn quraıdy. Tirekter qulaǵan jaǵdaıda 2 426 abonent (10 myńǵa jýyq turǵyn) jáne 114 aýyl sharýashylyǵy qurylymy elektr qýatynsyz qalýy múmkin.
Sonymen qatar bul aımaqta ınfraqurylymdyq mańyzdy nysandar, onyń ishinde, oblystyq jáne aýdandyq mańyzy bar joldar, baılanys jelileri, egis alqaptary men jaıylymdar ornalasqan.
Jaǵdaıdy eskere otyryp, Qostanaı oblysy ákimdigi Qarasý aýdanynda uzyndyǵy 14,2 shaqyrym sý burý arnasyn salý jobasyn ázirledi.
Jobanyń jalpy quny 1,9 mlrd teńgeni quraıdy, onyń bir bóligi oblystyq bıýdjetten bólingen.
Úkimet rezervinen bólingen qarajat jumystardy merziminde aıaqtaýǵa múmkindik beredi, bul jalpy topyraq drenajyn jaqsartýǵa jáne sý tasqynynyń qaıtalanýyna jol bermeýge múmkindik beredi.
Osyǵan deıin Alakóldegi qaýipsizdik pen sanıtarııa máselesi Úkimet deńgeıinde qaralǵany týraly jadyq.