Úkimet «ÓzenMunaıGazdyń» munaı óndirý salyǵyn 2,6 paıyzǵa tómendetti
ASTANA. KAZINFORM – Eldegi monoqalalardyń energetıkalyq keshenin damytý jóninde baıandama jasaǵan Energetıka mınıstri Almasadam Sátqalıev «ÓzenMunaıGaz» kompanııasy 2029 jylǵa deıin jeńildetilgen salyqpen munaı óndiretinin aıtty.
«Jańaózen qalasynda «ÓzenMunaıGaz» aktsıonerlik qoǵamy jumys isteıdi. Bul – Mańǵystaý oblysyndaǵy iri munaı óndirýshi kompanııalardyń biri Qazirgi ýaqytta kompanııada 10 myńnan astam adam jumys isteıdi. Kompanııa Ózen jáne Qaramandybas ken oryndaryn ıgerýmen aınalysady. Ózen jáne Qaramandybas ken oryndaryn paıdalanýdy qamtamasyz etý úshin «Ózenmunaıgaz» aktsıonerlik qoǵamy 2019 jyldan bastap 3 óndiristik gorızont boıynsha paıdaly qazbalardy óndirý salyǵynyń 2,6 paıyzyn tómendetilgen stavkasyn qamtamasyz etýde», - dedi ol Úkimet otyrysynda.
Sondaı-aq, ol atalǵan kompanııa basqa gorızonttar boıynsha da atalmysh mólsherleme boıynsha salyq tóleıtinin aıtty.
«Úkimet «Ózenmunaıgaz» kompanııasyna barlyq gorızont úshin paıdaly qazbalardy óndirý salyǵy boıynsha 2,6 paıyzdyq jeńildik stavkasyn berý týraly sheshim qabyldady, bul 2029) jyldan bastap munaı óndirýdi jylyna 5-ten 5,9 mıllıon tonnaǵa deıin arttyrýǵa múmkindik beredi», - dedi Almasadam Sátqalıev.
