Úkimet otyrysy: Oljas Bektenov jańa orynbasaryna sáttilik tiledi
ASTANA. KAZINFORM – Búgin Úkimet otyrysynda Premer-mınıstr Oljas Bektenov burynǵy orynbasary Roman Sklıarǵa alǵys aıtty.
- Ózderińiz biletindeı, Memleket basshysynyń Jarlyǵymen Roman Vasılevıch Sklıar Qazaqstan Respýblıkasy Prezıdenti Ákimshiliginiń basshysy bolyp taǵaıyndaldy. Úkimet atynan Roman Vasılevıchke Úkimet quramynda nátıjeli birlesken jumysy úshin alǵysymdy aıtamyn jáne jańa jaýapty qyzmette tabys tileımin, - dedi Premer-mınıstr.
Sonymen qatar O.Bektenov Prezıdent Jarlyǵymen Nurlybek Mashbekuly Nálibaev Qazaqstan Respýblıkasy Premer-Mınıstriniń birinshi orynbasary bolyp taǵaıyndalǵanyn eske saldy.
- Nurlybek Mashbekuly, jańa qyzmetińizde sáttilik tileımiz. Memleket basshysynyń senimin tolyq aqtaısyz dep senemin, - dedi Úkimet basshysy.
Eske salsaq, bıyl 5 mamyrda Roman Sklıar QR Prezıdenti Ákimshiliginiń basshysy bolyp taǵaıyndaldy.
