Úkimet ónimdi bólý jónindegi kelisimderde elimizge tıimdi kelissózderdi jandandyrýy qajet — Prezıdent
ASTANA. KAZINFORM — Qomaqty ınvestıtsııalar uzaqmerzimdi josparlaýdy talap etedi. Bul týraly Úkimettiń keńeıtilgen otyrysynda Prezıdent Qasym-Jomart Toqaev málim etti.
— Іri ken oryndarynyń ónimin bólý jónindegi kelisimdi iske asyrý nátıjesinde Qazaqstan jahandyq naryqqa qýat kózin senimdi jetkizýshige aınaldy. Bul jobalar elimizdiń áleýmettik-ekonomıkalyq damýyna aıtarlyqtaı úles qosady. Sonymen qatar qomaqty ınvestıtsııalar uzaqmerzimdi josparlaýdy talap etedi. Sondyqtan Úkimet ónimdi bólý jónindegi kelisimderdi elimizge anaǵurlym tıimdi ári jańa sharttarmen uzartý úshin kelissózderdi jandandyrýy qajet, — dedi Qasym-Jomart Toqaev.
Budan buryn habarlanǵandaı, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.
Memleket basshysy 2024 jyldy elimiz oń kórsetkishtermen aıaqtaǵanyn aıtty.
Sonymen qatar Prezıdenttiń sózinshe, Úkimet keleshegi zor árbir orta kásiporynnyń jumys josparyn ázirleıdi.