Úkimet ónerkásip salasynda joǵary deńgeıli qaıta óńdeýge erekshe nazar aýdaryp otyr

ASTANA. KAZINFORM – Úkimet ekonomıkany ártaraptandyrý jáne ónerkásip sektorlarynyń básekege qabilettiligin arttyrý boıynsha qoldanystaǵy óndiristerdi jańǵyrtý jáne jańa óndiris oryndaryn qurý, sondaı-aq salaǵa belsendi túrde ınvestıtsııa tartý jóninde birqatar shara qabyldady. Bul týraly Úkimettiń baspasóz qyzmeti málim etti.

Memleket basshysynyń tapsyrmasy boıynsha joǵary qaıta óńdeý deńgeıi bar óndiristerdi ıgerýge erekshe nazar aýdara otyryp, otandyq shıkizat pen quramdas bólshekterdi barynsha paıdalaný, sondaı-aq iri kásiporyndar aınalasynda aralas óndiristerdi damytý kózdelgen.

Atalǵan bastamalar ekonomıkany ártaraptandyrý jáne óńdeýshi ónerkásiptiń básekege qabilettiligin arttyrý baǵdarlamasy aıasynda iriktelgen. Olardyń qatarynda KIA Qazaqstan (Qostanaı oblysy) jáne Astana Motors Manufacturing Kazakhstan (Almaty qalasy) avtomobıl zaýyttary bar, sondaı-aq metallýrgııa, hımııa, munaı-hımııa jáne tamaq ónerkásibi boıynsha jobalardy júzege asyrý jalǵasady:

1. «Mineral Product International» JShS metallýrgııa klasteri (Pavlodar oblysy).

2. «SSGPO» AQ ystyq brıkettelgen temir óndirý zaýyty (Qostanaı oblysy).

3. Qarmet kombınatyn jańǵyrtý (Qaraǵandy oblysy).

4. «KAZ Minerals Smelting»/NFC JShS mys balqytý zaýyty (Abaı oblysy).

5. «Ertis» gıdrometallýrgııa kombınaty (Pavlodar oblysy).

6. «Býtadıen» JShS býtadıen jáne onyń týyndylaryn óndirý zaýyty (Atyraý oblysy).

7. «KMG PetroChem» JShS polıetılentereftalat (PETF) óndirý zaýyty (Atyraý oblysy).

8. «QazMunaıGaz» UK» AQ Shymkent munaı óńdeý zaýytynyń ekinshi kezegi (Shymkent q.).

9. «KazAzot Prime» JShS ammıak pen karbamıd óndirý zaýyty (Mańǵystaý oblysy).

10. «Qazaq Kalium Ltd» jeke kompanııasynyń kalıı tuzdaryn óndirýge arnalǵan baıytý-óndiristik kesheni (Batys Qazaqstan oblysy).

11. «Astana Týrızm» JShS kópfýnktsıonaldy týrıstik aýdany (Astana qalasy).

12. «Jyly jaǵajaı» keshendi damýy (Mańǵystaý oblysy).

13. Bıdaı men burshaqty tereń óńdeýge arnalǵan ıntegratsııalanǵan agroónerkásiptik keshen (Astana qalasy).

14.«Qostanai Grain Industry» JShS dán men bıdaıdy tereń óńdeý zaýyty (Qostanaı oblysy).

15. «Sılleno» JShS «KMG PetroChem» JShS ıntegratsııalanǵan gaz-hımııa kesheni (Atyraý oblysy).

Aıta keteıik, buǵan deıin Premer-mınıstr Oljas Bektenov ulttyq kompanııalardyń memleketke tóleıtin dıvıdendi nege azaıǵanyn aıtty.