Úkimet músheleri Kostenko shahtasynda qaıtys bolǵan kenshilerdi 1 mınýt únsizdikpen eske aldy

Úkimet otyrysy Qaraǵandynyń Kostenko shahtasyndaǵy apattan qaza tapqan shahterlerdi 1 mınýt únsizdikpen eske alýdan bastaldy, dep habarlaıdy agenttigi Kazinform.kz.

«Qanshama adamnyń ómirin qıǵan apat qazaqstandyqtardyń qabyrǵasyn qaıystyrdy. Úkimettiń jáne jeke óz atymnan qara jamylǵan otbasylarǵa qaıǵyryp kóńil aıtamyz. Marqumdardy bir mınýt únsizdikpen eske alýdy usynamyn», - dedi Premer-Mınıstr Álıhan Samıylov.

Aıta keteıik, 28 qazan saǵat 02:33-te Qaraǵandy oblysyndaǵy Kostenko atyndaǵy shahtada apat bolyp, keıin 45 adamnyń qaza tapqany habarlanǵan bolatyn.

Osyǵan baılanysty Qazaqstanda 29 qazan Jalpyulttyq aza tutý kúni bolyp jarııalandy. 

30 qazanda birqatar BAQ órt kezinde shahtada qalyp qoıǵan 46 adamnyń da denesin týystary tanyǵanyn habarlady.