Úkimet músheleri belsendi daýys berip jatyr

Alǵashqylardyń biri bolyp Sý resýrstary jáne ırrıgatsııa mınıstri Sý resýrstary jáne ırrıgatsııa mınıstri Nurjan Nurjigitov Qazaqstan Respýblıkasynyń Quryltaı saılaýynda daýys berdi. 

- Búgingi saılaý – Memleket basshysy bastamashylyq etken aýqymdy saıası reformalardyń nátıjesi sanalatyn tarıhı sát. Bir palataly Quryltaıdyń qurylýy – Ádiletti Qazaqstandy qalyptastyrý, memlekettik bılik ınstıtýttarynyń tıimdiligin arttyrý jáne bıyl qabyldanǵan Qazaqstan Respýblıkasynyń Konstıtýtsııasynda bekitilgen qaǵıdattardy iske asyrý jolyndaǵy mańyzdy qadam. Eshbir reforma azamattardyń tikeleı qatysýynsyz júzege aspaıdy. Búgin qazaqstandyqtar elimizdiń aldaǵy jyldarǵa arnalǵan damý baǵytyn aıqyndaıdy. Sondyqtan bul kúni ár azamattyń daýysy mańyzdy. Barsha otandasymdy saılaý ýchaskesine baryp, óz tańdaýyn jasaýǵa shaqyramyn, - dedi ol.

Jumys saparymen óńirde sharýashylyqtardy aralap, egin jınaý naýqanymen tanysyp, agrarshylarmen jáne aýyl eńbekkerlerimen kezdesip júrgen Aýyl sharýashylyǵy mınıstri Aıdarbek Saparov ta tańdaý jasady.

- Quryltaıǵa alǵashqy saılaý – elimiz úshin mańyzdy oqıǵa. Memleket basshysy atap ótkendeı, Quryltaı eldi odan ári jańǵyrtý úderisine joǵary qarqyn berýge tıis. Sondyqtan ár azamat óz tańdaýynyń mańyzyn jáne Qazaqstannyń bolashaǵy úshin jeke jaýapkershiligin sezinýi mańyzdy. Men úshin búgingi kúni elimizdiń azyq-túlik qaýipsizdiginiń negizin qamtamasyz etip otyrǵan agrarshylardyń janynda bolýymnyń máni erekshe», – dedi mınıstr.

Astanada saılaý ýchaskesinde alǵashqylardyń biri bolyp daýys bergen Qorǵanys mınıstri avıatsııa general-leıtenanty Dáýren Qosanov áskerı qyzmetshiler men olardyń otbasy músheleri eldiń tolyqqandy azamattary ekenin jáne árqaısysy memlekettiń bolashaǵyn aıqyndaýǵa óz úlesin qosa alatynyn atap ótti.

Quryltaı depýtattaryn saılaýda daýys bergen Týrızm jáne sport mınıstri Erbol Myrzabosynov azamattardyń elimizdiń jańa ókildi organyn qalyptastyrýǵa qatysýynyń mańyzdylyǵyn atap ótti.

- Búgin Qazaqstannyń saıası damýyndaǵy mańyzdy kezeń. Saılaýǵa qatysý - azamattyq jaýapkershiliktiń kórinisi ári ár azamattyń el bolashaǵyna óz úlesin qosý múmkindigi – dedi Erbol Myrzabosynov.

Eńbek jáne halyqty áleýmettik qorǵaý mınıstri Askarbek Ertaev elordadaǵy №117 jalpy bilim beretin mektep ǵımaratynda ornalasqan saılaý ýchaskesine kelip, daýys berýge qatysty.

- Búgin - elimiz úshin tarıhı kún. Memleket basshysy Qasym-Jomart Kemeluly Toqaev atap ótkendeı, jańa bir palataly Quryltaıǵa ótetin alǵashqy saılaý barlyq azamattardyń ıgiligine baǵyttalǵan jańa reformalardyń bastaý núktesi bolyp, Qazaqstannyń qazirgi tarıhynda jańa kezeńniń negizin qalaıdy. Bul - elimizdiń odan ári damý baǵytyn aıqyndaıtyn mańyzdy kezeń. Búgin árbir azamat óziniń azamattyq ustanymyn bildirip, Qazaqstannyń bolashaǵyna óz úlesin qosa alady. Osy mańyzdy oqıǵaǵa qatysýdy azamattyq paryzym dep sanaımyn, - dedi Askarbek Ertaev.

Oqý-aǵartý mınıstri Juldyz Súleımenov Quryltaı depýtattaryn saılaýǵa qatysyp, el bolashaǵyna baılanysty tańdaýyn jasady.

- Osyndaı tarıhı kúni men de tańdaýymdy jasadym. Eldiń erteńin aıqyndaıtyn sátte árbir azamattyń belsendiligi jáne azamattyq jaýapkershiligi erekshe mánge ıe. Búgingi saılaý - Memleket basshysy Qasym-Jomart Kemeluly Toqaevtyń bastamasymen júzege asyrylyp jatqan aýqymdy saıası reformalardyń jáne elimizdiń tarıhı jańǵyrýynyń zańdy jalǵasy. Bul - jalpyulttyq referendýmda halqymyz qoldaý bildirgen Jańa Konstıtýtsııa qaǵıdattarynyń júzege asýynyń jáne jańa saıası ınstıtýttardyń qalyptasýynyń aıqyn dáleli. Bir palataly Parlament - Quryltaı memleket pen qoǵam arasyndaǵy baılanystyń jańa deńgeıge kóterilýine negiz bolady, - dedi mınıstr.

QR Saýda jáne ıntegratsııa mınıstri Arman Shaqqalıev Astana qalasyndaǵy №162 saılaý ýchaskesinde daýys berdi.

-El bolashaǵy úshin búgin mańyzdy kún. Men turaqty bolashaq úshin daýys berdim. Qazaqstandyqtardy búgingi tarıhı kúnde belsendi bolýǵa shaqyramyn,- dedi ol.

Premer-Mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev Quryltaı depýtattaryn saılaýda daýys berdi. Ol elimizdiń bolashaǵyn aıqyndaýǵa árbir azamattyń jaýapkershilikpen qatysýy mańyzdy ekenin atap ótti.

Syrtqy ister mınıstri Ermek Kósherbaev pen Tótenshe jaǵdaılar mınıstri general-leıtenant Shyńǵys Árinov, Ekologııa jáne tabıǵı resýrstar mınıstri Erlan Nysanbaev, Energetıka mınıstri Erlan Aqkenjenov, Ónerkásip jáne qurylys mınıstri Ersaıyn Naǵaspaev ta Quryltaı depýtattarynyń saılaýynda daýys berdi.