Úkimet medıtsınalyq tehnıkanyń negizsiz qymbattaýyna tosqaýyl qoımaq
ASTANA. KAZINFORM — Úkimet medıtsınalyq tehnıkany ortalyqtandyrylǵan satyp alý kezinde baǵany ońtaılandyrýdy jáne bıýdjet qarajatyn tıimdi paıdalanýdy tapsyrdy. Negizsiz joǵary baǵa anyqtalǵan jaǵdaıda jedel shara qabyldanyp, medıtsınalyq uıymdardyń qajetti qural-jabdyqpen qamtylýy men tehnıkanyń sapasyna qoıylatyn talaptardyń saqtalýy qamtamasyz etiledi.
Qazaqstan Respýblıkasy Premer-mınıstriniń birinshi orynbasary Nurlybek Nálibaev medıtsınalyq tehnıkany ortalyqtandyrylǵan satyp alý máseleleri boıynsha keńes ótkizdi.
Baǵany qalyptastyrý jáne ońtaılandyrý tásilderin jetildirý, sondaı-aq bıýdjet qarajatyn tıimdi paıdalanýdy arttyrýǵa jáne medıtsınalyq uıymdardy qajetti qural-jabdyqtarmen qamtamasyz etýge baǵyttalǵan naqty sharalardy qabyldaý máseleleri qaraldy.
— Qazirgi jaǵdaıda negizgi mindet medıtsınalyq uıymdardyń jabdyqtarǵa josparlanǵan aǵymdaǵy qajettiligin saqtaı otyryp, únemdeýdi qamtamasyz etý bolýy tıis ekeni atap ótildi, — delinegen habarlamada.
Keńes qorytyndysy boıynsha medıtsınalyq tehnıkanyń negizsiz joǵary quny anyqtalǵan jaǵdaıda jedel sharalar qabyldaý, sonymen qatar jabdyqtyń sapasy men tehnıkalyq sıpattamalaryna qoıylatyn belgilengen talaptardyń saqtalýyn qamtamasyz etý jóninde tapsyrmalar berildi.
Aıta keteıik, buǵan deıin Nurlybek Nálibaevtyń tóraǵalyǵymen 124 temirjol vokzalyn jańǵyrtý jáne rekonstrýktsııalaý máseleleri boıynsha keńes ótken bolatyn.
