Úkimet Konstıtýtsııalyq Sot sheshimderiniń oryndalýyn baqylaýdy kúsheıtti
ASTANA. KAZINFORM — 26 naýryzdan bastap Qazaqstan Respýblıkasynyń Úkimeti Konstıtýtsııalyq Sottyń qorytyndy sheshimderiniń oryndalýyna baqylaý engizdi. Bul týraly Konstıtýtsııalyq Sottyń baspasóz qyzmeti málim etti.
— Úkimet Reglamentine engizilgen ózgerister atqarýshy organdardyń Konstıtýtsııalyq Sottyń qorytyndy sheshimderin iske asyrý úshin baqylaýdyń naqty tártibin bekitti, — delingen habarlamada.
Qabyldanǵan tártip Ádilet mınıstrliginiń norma shyǵarý salasyndaǵy quqyqtyq saraptama jáne monıtorıng jónindegi fýnktsııalaryn eskere otyryp, osy jumysty úılestirý jónindegi quzyretin kúsheıtken.
Sarapshylar atap ótkendeı, Úkimet tarapynan normatıvtik aıqyndyqtyń engizilýi Konstıtýtsııalyq Sottyń qorytyndy sheshimderin oryndaýdyń ornyqty tetigin qalyptastyrady, ol nátıjesinde konstıtýtsııalyq zańdylyqty nyǵaıtýǵa yqpal etedi.
Buǵan deıin habarlanǵandaı, Konstıtýtsııalyq sotqa 9 myń azamattan ótinish túsken.