Úkimet Kómir generatsııasyn damytý jónindegi ulttyq jobany ázirleýge kiristi
ASTANA. KAZINFORM – Úkimet Memleket basshysynyń tapsyrmasyna sáıkes Kómir generatsııasyn damytý jónindegi ulttyq jobany ázirleýge kiristi. Bul týraly Úkimettiń keńeıtilgen otyrysynda Premer-mınıstr Oljas Bektenov málim etti.
- Derekterdi óńdeý ortalyqtaryn salý boıynsha aýqymdy josparlarǵa baılanysty Ulttyq jobaǵa qýaty shamamen 7,6 GVt bolatyn pysyqtaýdan ótken jobalar, sondaı-aq energııanyń jetkilikti kólemin qamtamasyz etý úshin qosymsha kómir generatsııasy jobalary engiziletin bolady, - dedi O. Bektenov.
Sonymen qatar ol «Energetıkalyq jáne kommýnaldyq sektorlardy jańǵyrtý» ulttyq jobasyn iske asyrý aıasynda 11 myń shaqyrym elektr jelilerin, 208 shaqyrym jylý jelilerin, 308 shaqyrym sý qubyrlaryn jáne 152 shaqyrym káriz jelilerin jóndeý júzege asatynyn aıtty.
- Bıyl 1 trln teńge ıgeriledi, onyń basym bóligi bıýdjetten tys qarajat esebinen qamtamasyz etiledi, - Úkimet basshysy.
Osyǵan deıin Premer-mınıstr úsh JEO qurylysy josparlanǵan merzimde aıaqtalatynyn aıtty.
