Úkimet komıssııasy Aqtaýdaǵy ushaq apaty ornynda jumysyn bastady
ASTANA. KAZINFORM – Premer-Mınıstrdiń orynbasary Qanat Bozymbaev bastaǵan Úkimettik komıssııa Aqtaýǵa baryp, TJ ornyna baǵyt aldy. Bul týraly Úkimettiń baspasóz qyzmeti málimdedi.
Odan keıin Qanat Bozymbaev aýrýhanaǵa zardap shekkenderge barady. Sheteldik áriptesterimen kezdesedi, sondaı-aq shtab otyrysyn ótkizedi. Barlyq qyzmet – TJ, krımınalıst-sarapshylar, prokýratýra organdary shuǵyl rejımde jumys isteıdi.
Eske sala ketsek, Baký- Groznyı J2-8243 nómirli reısin oryndaǵan Embraer 190 ushaǵy Aqtaý qalasynan 3 shaqyrym jerde apatty jaǵdaıda qondy.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.
Mańǵystaý oblysynyń densaýlyq saqtaý basqarmasy Aqtaýda Baký-Groznyı reısinde bolǵan ushaq apatynan zardap shekkender týraly aqparatty jańartty.
Memleket basshysy Ázerbaıjan Prezıdenti Ilham Álıevke kóńil aıtty.
Ázerbaıjan prezıdenti Ilham Álıev Reseı Federatsııasynyń prezıdenti Vladımır Pýtınge telefon soqty. Prezıdent Ilham Álıev telefon arqyly sóılesý barysynda AZAL jolaýshylar ushaǵynyń Aqtaýda apatqa ushyraýyna baılanysty Sankt-Peterbýrgte ótetin TMD-ǵa múshe memleketter basshylarynyń beıresmı sammıtine qatysa almaıtynyn aıtty.
Álıev Aqtaýdaǵy ushaq apaty saldarynan qaza tapqandardyń týystary men jaqyndaryna kóńil aıtty.
Sondaı-aq Sheshenstan Respýblıkasynyń basshysy Ramzan Kadyrov Aqtaý túbinde bolǵan ushaq apatynan qaza tapqandardyń týystaryna kóńil aıtty.