Úkimet kıberqaýipsizdik erejelerin jańartty
ASTANA. KAZINFORM — Qazaqstan Úkimetiniń 2026 jylǵy 28 sáýirdegi qaýlysymen eldiń aqparattyq qaýipsizdigin qamtamasyz etýge baǵyttalǵan birqatar sharaǵa ózgerister engizildi, dep habarlaıdy Kazinform tilshisi.
2026 jylǵy 12 shildeden bastap qujattyń ataýy «Qazaqstan Respýblıkasynda kıberqaýipsizdikti qamtamasyz etý jónindegi keıbir sharalar týraly» qaýly dep ózgertiledi.
Engizilgen ózgeristerge sáıkes, memlekettik qupııalarǵa jatatyn málimetterdi óńdeý jáne saqtaý halyqaralyq (ǵalamdyq) derekter jelilerine, onyń ishinde ınternetke, sondaı-aq ǵalamdyq jelilerge shyǵatyn aqparattyq jáne telekommýnıkatsııalyq jelilerge qosylmaǵan esepteý tehnıkasynda júzege asyrylýy tıis.
Jeke tarmaqpen bólingen úı-jaılarda mobıldi qurylǵylardy paıdalaný tártibi naqtylandy. Atap aıtqanda, olardy memlekettik qupııalardy qorǵaý jáne kıberqaýipsizdik talaptary saqtalǵan jaǵdaıda «Úkimettiń mobıldi keńsesi» júıesine qol jetkizý úshin qoldanýǵa ruqsat etiledi.
Sonymen qatar, qupııa kelissózder men otyrystar kezinde mobıldi qurylǵylardy óshirý nemese qyzmettik úı-jaıdan tys jerge shyǵarý mindetteledi.
Qaýly qol qoıylǵan kúnnen bastap kúshine enedi, al keıbir normalar 2026 jylǵy 12 shildeden bastap qoldanysqa engiziledi.
Eske salaıyq, buǵan deıin elimizde derbes derekterdi qorǵaý jáne kıberqaýipsizdikke qatysty jańa tetikter engiziletini habarlanǵan bolatyn.
