Úkimet keleshegi zor árbir orta kásiporynnyń jumys josparyn ázirleıdi
ASTANA. KAZINFORM — Qazaqstanda orta býynǵa jatatyn kóshbasshy kompanııalar shoǵyryn qalyptastyrý mindeti áli de ózekti. Bul týraly Úkimettiń keńeıtilgen otyrysynda Prezıdent Qasym-Jomart Toqaev málim etti.
— Іri ónerkásip jobalaryn iske qosý jumystary baıaý júrip jatyr. Muny aktıvterdi qazynaǵa qaıtarý isimen qatar júrgizý qajet. Men bul jóninde iri bıznes ókilderimen kezdesýlerde aıtqanmyn. Qazaqstanda orta býynǵa jatatyn kóshbasshy kompanııalar shoǵyryn qalyptastyrý mindeti áli de ózekti. Úkimet bıylǵy maýsym aıynyń sońyna deıin keleshegi zor árbir orta kásiporynnyń jumys josparyn ázirleýge tıis, — dedi Qasym-Jomart Toqaev.
Budan buryn habarlanǵandaı, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.
Memleket basshysy 2024 jyldy elimiz oń kórsetkishtermen aıaqtaǵanyn aıtty.