Úkimet kelesi jyly qandaı zań jobalaryn ázirleıdi
ASTANA. KAZINFORM — Úkimet kelesi jyly 12 zań jobasyn ázirleýdi josparlap otyr. Bul týraly búgin Úkimet otyrysynda Ádilet mınıstri Erlan Sársembaev aıtty.
2026 jylǵa arnalǵan zań jobalary josparynyń jobasy memlekettik organdardyń usynystary boıynsha daıyndalyp, osy jylǵy 31 qazanda Zań jobalaý qyzmeti máseleleri jónindegi vedomstvoaralyq komıssııada maquldandy. Joba 12 zań jobasyn ázirleýdi kózdeıdi. Onyń úsheýi Memleket basshysynyń tapsyrmalarynan týyndaıdy, — dedi ol.
Mınıstrdiń dereginshe, Prezıdent tapsyrmasyna sáıkes, mynadaı zań jobalary ázirlenedi:
— «Qazaqstan Respýblıkasynyń keıbir zańnamalyq aktilerine memlekettik múlik máseleleri boıynsha ózgerister men tolyqtyrýlar engizý týraly»;
— «Qazaqstan Respýblıkasynyń keıbir zańnamalyq aktilerine onlaın-platformalar jáne mass-medıa máseleleri boıynsha ózgerister men tolyqtyrýlar engizý týraly» jáne oǵan ilespe Ákimshilik quqyq buzýshylyq týraly kodeksine ázirlengen túzetýler.
— Joǵaryda kórsetilgen zań jobalarynan basqa, josparmen Parlamentke «Munaı-gaz hımııasy ónerkásibi týraly», «Turǵynjaıdy tabıǵı apattardan mindetti saqtandyrý týraly», «Jumyldyrý týraly» jáne oǵan ilespe zań jobalary, jyl saıynǵy «2027 — 2029 jyldarǵa arnalǵan respýblıkalyq bıýdjet týraly», sondaı-aq eńbek zańnamasyn jetildirý máseleleri, mindetti áleýmettik saqtandyrý jáne áleýmettik qamtamasyz etý máseleleri boıynsha derbes zań jobalaryn engizý kózdelgen. Jalpy Parlamentke birinshi jartyjyldyqta 5 zań jobasyn, ekinshi jartyjyldyqta 7 zań jobasyn engizý josparlanýda, — dedi Erlan Sársembaev.
Osyǵan deıin búgin Úkimet otyrysynda Ádilet mınıstri Erlan Sársembaev ótip bara jatqan jyl ishindegi zań jobalaý josparynyń qorytyndysyn shyǵardy.