Úkimet qaýlysyna ózgeris engiziledi

Qorǵanys mınıstrligi «Joǵary jáne (nemese) joǵary oqý ornynan keıingi bilim berý uıymdarynyń erekshe mártebesi týraly erejeni bekitý týraly» Qazaqstan Respýblıkasy Úkimetiniń 2017 jylǵy 14 aqpandaǵy № 66 qaýlysyna ózgeris engizý týraly» QR Úkimeti qaýlysynyń jobasyn daıyndady. Bul týraly Kazinform Qorǵanys mınıstrligine silteme jasap habarlaıdy. 

Normatıvtik quqyqtyq akt «Qazaqstan Respýblıkasynyń keıbir zańnamalyq aktilerine balalarǵa Qazaqstan Respýblıkasynyń Ulttyq qorynan qarajat esepteý, olardy tóleý jáne paıdalaný máseleleri boıynsha ózgerister men tolyqtyrýlar engizý týraly» QR Zańynyń 1-babynyń 16-tarmaǵyna sáıkes ázirlendi. 

Qaýly jobasynyń jańa redaktsııasynda «Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıteti» ataýy «Qazaqstan Respýblıkasynyń Ulttyq qorǵanys ýnıversıteti» bolyp ózgertildi. 

Úkimet qaýlysy jobasynyń tolyq mátinimen aǵymdaǵy jyldyń 27 jeltoqsanyna deıin myna https://legalacts.egov.kz/npa/view?id=14845896 boıynsha «Elektrondyq úkimet» portalynyń «Ashyq NQA» bóliminde tanysýǵa bolady.