Úkimet Qashaǵandaǵy jóndeý jumystarynyń keıinge shegerilgeni týraly aqparatty joqqa shyǵardy
ASTANA. KAZINFORM - Úkimet Qashaǵan ken ornyndaǵy jóndeý jumystarynyń keıinge shegerilgeni týraly aqparatty joqqa shyǵardy, dep habarlaıdy QR Energetıka mınıstrligi.
Mınıstrliktiń baspasóz qyzmetiniń habaralýynsha, qazan aıynda josparlanǵan jóndeý kezeńinde óndiris kólemin aıtarlyqtaı qysqartý josparlanýda. Osy kezeńde biz jyl basynan beri jınaqtalǵan artyq óndiristiń aıtarlyqtaı kólemin óteýdi josparlap otyrmyz.
Bul OPEK Bas hatshysy Haıtam ál-Gaıstyń jaqynda bolǵan sapary (26 tamyz) jáne OPEK hatshylyǵy uıymdastyrǵan taldaý agenttikterimen kezdesýi kezinde atap ótildi.
Qazaqstan OPEK+ kelisimine óziniń adaldyǵyn rastaıdy jáne Kelisimniń álemdik munaı naryǵynyń turaqtylyǵyn qamtamasyz etýdegi mańyzdy rólin túsinedi.
«Qazaqstan óz mindettemelerin tolyq oryndaý jáne OPEK hatshylyǵyna usynylǵan ótemaqy josparyn oryndaý boıynsha sharalar qabyldaýda»,-delingen habarlamada.
Osyǵan deıin Qashaǵanda jóndeý jumysyn keıinge qaldyrý jóninde naqty sheshim qabyldanbaǵany týraly jazǵan edik.
